OTSO

Bortz izar gori ortze-goian

eta basoan ez argirik

aztiak dagoz ikharatan

aztiaturik ikur hori

izar gorion pentagramman

lo-hasman dautza bertz' izarrak

baso gerizan atzar dira

otsoak eta gizotsoak

oihan-bidean ergelen bat

oihuz dihoa berantean

gizon soilari so zitzaizkion

otso ixilak giza-begiz

otso-ar eta -eme latzak

giza-blasphema bihotzean

gauazko bide-joilearen

haiduru ziran geldituak

oihan beltzeko bidesketan

ezin helduan zihoala

esku eiharrez zuhain hilek

bahitu dute galtzerako

bortz oihuk eta bortz ausikik

gizerhaiteka egin dute

bainan ortze-goi beltzagoan

izar goriak itzal dira.