NIL IGITUR MORS EST...

Oi uda-egun azkendu haur!

Kirol-ez, haurrek zahar-amets...

Atheetan, haatik, maitaleak...

...egia dela ustez. Ala

nik duta uste, arratsetan?

Maitez gor, gautar maitaleok:

gizenden landa-baratzetan

beleak dagoz, hitz egile.

Kharrikan haurrok, zaharregi:

alhan da harra zituetan.

Itzalak gelan izigarri;

hots eta hitzak, areago.

Despotês, hel! Hel! Sinheslegai

egun bainago bildur handiz!

—Deiok ordea alpherretan.

Bakhea jin da. Nondikoa?

Niago utzi ahal naute

bi jainko-bele ahantziek

—mirariz hitzak, zergari txar

zirenak, itzalarazirik—.

Jai eder neure jauregian

liburu benak hertsi-eta

zuhur izanak gutietsiz;

mintzo dut ezen niagoan

—ez hemen, ez gaur— ez-jainko bat.

Gizendak eri zirelarik

Bizi-min deithu minbiziaz,

mintzo zan, ixil, ez-jainkoa;

«Deus ez da» zion «herioa:

EZ dena EZin daiteke hil».

Et' EZak oro zituen jo:

hiriak, haurrak, maitaleak

—eta botz neukan bihotzean,

hil-bildur deithu gezur-minaz

gizendak eri ziradela.