HARRIZKO JAINKO BATI

Hunat gaur berriz gathozen Heure ganat

Basoihaneko Jaungoiko harrizkoa.

Heure loaldi luzetik atzarri haiz,

Mailu-baheak daduzkak esku banan.

Baina gizaldi huntako gizattoak

Heure zuzentzaz ez dituk gogoratzen...

Lehen, lurraren gaztaro-egunetan,

Itxasgorrira ekhia zioala,

Hilgai otsanak, haiztoaz hil-erhanak

Hire hituen harrizko aldaretan

Ikhusak! Jauna: harzara, haiztodunik,

Hor gaituk, lehen ginenak Hire seme.

Basoihanean ginenaz orhoit gaituk;

Hilgai berririk badukek aldarean,

Esku aratzez hiretzat guk erhanik.

Ekhi zaharrek inguru egin die,

Goizalde gazte hunetan jaiki hadi!

Heure bahean gizonak baha itzak,

Heure mailuaz jo ezak etsai oro;

Guri, Aita On, emaguk indar eta

Gure kastari Sirats on betirako.