ORZIREN TTUNTTUNA

Orzi-ren ttunttuna dabil soinutan

Ezerezaz gaindi rhythmua heda.

Huna! ttunttunaren dantza-hotsetan

Ezereza uhin bilhakatu da.

Soinu uhinetan agertu-eta

Biraldatuz doa izaiki oro

Ttunttunak jo arte dantzaren beta:

Jaio 'ta hor izan eta igaro.

Hotsaren uhinek darabiltzate

Izaiki guztiak goiti behera

Lehen goizetik gaua hel arte:

Bethi berdin dira, nehoiz ez dira.

Orzi dantzariak ttunttun-hotsetik

Ixuri daroaz suzko uhinak;

Izaiki bakhoitza iragaitetik

Ikhuz bitza suon bere orbanak.

Jainkoaren esku ezkerretikan

Sua itzali da eskumaldera,

Izaikiak oro suzko errekan

Iragaiten dira, beheiti gora.

Bethikotz sortzen du ttunttunak uhin

Iragaitza hunek bethikotz dirau;

Halatan hor-izan den oro, behin

Hor date berriro, lehen zen arau.

Baina ttunttun-hotsak urrhena duke:

Gaua horra dathor, sua erhanda.

Izanen da berriz bethiko bakhe,

Uhinen lilura hamaituren da.