ILHUNABARREZ

Gelatto zuri garbian

                Neska dago

Ilhe gorrien orrazten,

                Ilheak ilhunabarrez

                Gorriago...

Gela ixil-ixilean

                Zerk derauko

Begi zoharrak beltzitu

Athean jo du norbaitek,

                Hor dirausko

(Mintzo aphal, ahopetik):

                «Neska gazte,

Ni naun berriz ethorrita,

arren, ideki iezadan

                Baihaut maite.

Ni naun, zaldiz ethorrita,

                Nire kutun,

Hurrundikan, hain hurrundik!...»

Haren bihotzak ordea

                Ez du entzun.

Neska gelatto zurian

Bera dago,

Gau-itzalaren beldurrez

Haren begi zabalegik

Zabalago.......