VERSUS

Gaztelako

etxe-ertzetan

urez beteriko botila garden zuriskak

jartzen ei dituzte,

txakurrarrek,

euren burua islaturik ikustean,

ohildurik,

txizatu gabe

alde egin dezaten.

Ur-poltsa puztuak

zintzilikatu ohi dituzte

gure herrietako

etxe-leihoetan,

euliak,

beren islada eskerga antzematean,

iheska alden daitezen.

Zoko arre honetan,

ardo botilaren

itxaropen distiran

neure burua

(islaturik?)

ikusten dudanetan,

isurkaria neuretuz

—zangada bakoitza

zorionaren hurrupatze nahia

banino ez baita—,

barneratzenago naiz

...askatasun bila.