Uretan idatziak
Patxi Salaberri

Kutxa, 2002

 

 

LIOFILIZAZIOA

 

Zinez dakitenak hiltzean

bihurtzen da ordura arteko ezjakituna

jakitun.

 

Hura hiltzean

bilakatuko dira

hurrengoak —irrigarriki— jakintsu.

 

Eta, aldian aldiko,

aharantza,

jakituriaren katea,

erkinago,

unetik unera

idorrago,

zuhirina bezain sendo,

ezin gaiago

erakuspoterako.

 

Uretan idatziak
Patxi Salaberri

Kutxa, 2002