JARIOAK

Bizitza arruntaren jarioa,

jario arras luze eta unagarria,

pasabide estu-itogarrietan ibiltzera makurrarazten gaituena:

goizean tuk, eguerdian tek, arratsean tak, gauean tok!

bedatsean tuk, udaldian tek, larrazkenez tak, negutean tok!

tuk! tek! tak! tok! tuk! tek! tak!...

Etengabeko harrabotsa,

azantz etsitzeraino errepikakorra,

askatasunaren kartzela hitsa dirudiana,

aitor iezadak

hire erritmoa aurkitzean datza

hots karrankari izateari uzteko esperantza?