NEGUKO ARRATS HOTZETAN

Neguko arrats hotzetan,

udako sargorietan

azkal-uzkal dihardut

harrizko bobeda zarbailduko kapera honetan,

Galdez,

etorri ohi diren guztiak legez,

peitu erantzuna dut xede.

Hemengo argitzalak zango-lepoak harrapaturik,

egunez egun

ezagunago ditut aurpegiz

franko monje edankide.

Gure arteko agur-solasak,aldiz,

—idazteke darraiten erlijio-arauak kari—

isiltasunaren bokalera isurtzen dira beti

deblauki

Zinez erakargarri,

nork bere otoitzak aletzeko giroa dario

harrizko bobeda zarbailduko kapera izarniarazleari.