Azken hitza

 

Algarreki bizitze hau

Entzün eta ikusirik;

Joanen gira Santa Kruz

Hobeki ezagütürik.

 

Gizon gogorra izan zen,

Bena ere beti xüxen;

Hareki bizi izanek

Hortakoz züen maite üken.

 

Botzik lagüntzen zütüan

Esteiari, behardünak;

Herrian bizi zirenak,

Gero ere indianoak.

 

Bakoitxaren biziari

Lehenta emaiten züan;

Eta berea askitan

Üken züan galtzekotan.

 

Besteena ez bezalako züan

Bere güdüerabilka.

Gizon apürreki han hor

Zoan etsaiaren joka.

 

Ohi züan erraitea

Zumalakarregireki

Aitzinetik agitüa

Hala zateala haieki.

 

Bekaixti beit ziren

Karlista bürüzagiak,

Haren egotxi beharrez

Hitzartü ziren güziak.

 

Gure züen gana jiteko

Nabasitarzünarentako,

Parka galtatzen deizüegü,

Eta egin hütsentako.

 

 

Hona herria

 

            Errepika

      Nork ez dü ezagützen Santa Grazi?

      Ahüine, Orriren artean bizi.

      Xoradüra, osagarriren azi,

      Hona jitea beit da irabazi.

 

Sartzen ahal zidee heben,

Gure arroiletan barnen;

Ehüjarre ikus arren,

Kakueta mira lehen.

 

Gero ikertü beharra

Gure eliza zaharra;

Berritü eta bizkarra

Eman dizagün indarra.

 

Egün hoik ützirik bazter,

Gogoeman herritarrer;

Oroer dükegü esker

Guri sogiten düzüen ber.

 

Bakoitxak jakin dezala

Herriak nahi düala,

Oraiartino bezala,

Beti iraün hala hala.