Lehen jelkaldia

 

(Jelki Santa Kruz, sotenareki,
Olozaga etxekojauna, Olozagasa, eskuin).

 

         Olozagasa

Egün hon, Santa Kruz Jauna,

Betidanik zü goixtiar.

Heben aidea sano da

Ez holako griñarik har.

 

         Santa Kruz

Gogoan erabilten dit

Lehen karlistada beti.

Saldü züen Eüskal Herria

Eta Zumalakarregi.

 

         Olozaga

Harat honat müga gainti

Ekarten dütüzü armak,

Ordü datekeaneko

Gordatzen ere güziak.

 

         Santa Kruz

Eüskal Herriarentako

Nik galtatzen dit bakea,

Etxekirik izan dadin

Foroen züzenbidea.

 

         Olozagasa

Gure etxaltea doit bat

Herritik hürrünxka dago.

Zure ürratsak holatan

Dira ere ixilago.

 

         Santa Kruz

Banoazü elizalat

Han beit düt ene lankeia:

Herriari, Elizari

Hitzeman dit ene baia.

 

(Oro joan).