Hogeigerren jelkaldia

 

(Jelki Santa Kruz, Kaperotxipi, Arbelaiz,
Valde-Espina, Urruela Kosta Rikako konsula, esküin).

 

         Urruela

Lizarraga jaunak dütü

Artoak iaurri zureki.

Oroek behar düzüe

Joan aitzina algarreki.

 

         Valde-Espina

Hortarako ütz niroke

Ene zanko hau moztera.

Lizarragareki lehia

Bakearen egitera.

 

         Santa Kruz

Nik jadanik erran diot

Haren menpeko nizala.

Haatik hiru baldintza hoik

Bete behar dütüala.

 

Izkiribüz ken epaia;

Ütz bekitzat güdariak;

Agert gezürrak direla

Hedatü salakeriak.

 

         Kaperotxipi

Eta hau deizü ordüan

Ihardetsi Lizarragak:

Kofesatü, meza eman,

Ez beste lanik apezak.

 

         Valde -Espina

Aitzindarien meneko

Jar ezazü zure bürüa;

Utz ezazü bühürtzea;

Hau erregeren manüa.

 

         Santa Kruz

Nik gogoa emaiten dit

Eüskaldünen bideari.

Indarrak eskentzen ditit.

Herriaren biziari.

 

(Urruela, Valde-Espina joan.
Sar Lizarragarren gizonak, armez mehatxüz).

 

         Santa Kruz

Ez tirorik hoier bürüz,

Gurekilakoak dira;

Ez date gure ogena,

Nahaskeriak badira.

 

         Arbelaiz

Etsaiari bürüz beno,

Jin dütüzü gure gana;

Lizarragari zor leikio

Heben zehaldi bat hona.

 

         Santa Kruz

Leheneko Karlistadan

Dakizüena agitü zen.

Egün hala zateala

Beti erraiten neizüen.

 

Jadanik galdürik gira,

Gure altekoek saldürik;

Bakoitxa gure gaintialat

Joan gitean oraidanik.

 

(Oro joan).