Bederatzügerren jelkaldia

 

(Jelki Don Karlos VII. errege, Santa Kruz, Valde-Espina
güdülaitzindarien bürüzagia, Dorregarai Iparreko güdalbürüzagia,
Lizarraga Gipuzkoako güdalbürüzagia,
Belasko Bizkaikoa, Oilo Nafarrakoa, esküin).

 

         Don Karlos

Horra heltürik zaigüla

Güdü hasteko püntüa,

Eüskal Herria lot bedi,

Behar indarrez düntüa.

 

         Valde-Espina

Errege nik biltzen ditit

Zük erran manüak oro,

Lehen beno lehen ere

Ditit jakineraziko.

 

         Dorregarai

Abiatürik gütüzü

Eüskal Herrian jadanik,

Iparraldeari bürüz

Müga zaintzen dügülarik.

 

         Lizarraga

Gipuzkoan bereziki,

Dorrontsorok egin dü lan,

Beit daki herrialdeak

Zer hontarzünak dütüan.

 

         Belasko

Bizkaia ere prest dago

Emaiteko eskükaldi;

Ez dü behar bazter ützi

Zeren beit dü ahal handi.

 

         Santa Kruz

Gipuzkoan nahi dügü

Larderia alte jarri;

Indarrak azkartü eta

Güdariak ontsa hezi.

 

         Oilo

Nik gaüzak ikusten ditit

Santa Kruzen arabera,

Bestalditan ez bezala

Hots arren borrokatzera.

 

         Don Karlos

Etsaiala joan saheska

Ez batbatetan güdüka;

Bürdüin bideak jauzeraz

Eta taigabe zirika.

 

(Oro joan; jelki Satan eta Asmodeo).

 

         Asmodeo

Santa Kruzen trabatzeko

Ündülgütsü zira, Satan;

Arreba bahi beit dago

Liberalen esküetan.

 

(Satanak dantza eta joan).