Santa Kruz
Junes Casenave

1992

 

 

Hemeretxügerren jelkaldia

 

(Jelki Santa Kruz, otsoa, Kaperotxipi,
Arbelaiz, Otegi, Kattalin herritarsa bat, esküin).

 

         Arbelaiz

Endarlatzako hiltzetzaz,

Lizarraga gaiztü düzü.

Gaüza horren epaitzeko,

Auzialat deitzen zütü.

 

         Santa Kruz

Lizarraga jenerala

Lotürik da guntzetan.

Hobe lüke lagüneki

Agertzea güdüketan.

 

         Otxoa

Liberalek bezala düe

Zure omena zikintzen,

Zernahi bortizkeria

Düzüla han hor hedatzen.

 

         Otegi

Sakramentüen sokorria

Ükatzen düzüla diozüe;

Bena nik erran dezaket

Gezürra sakatzen dizüe.

 

         Santa Kruz

Bego egia agert dadin.

Karlos errege oker doa;

Eüskaldüneki behar dü

Hartü bide hobeagoa.

 

         Kaperotxipi

Ozetarik abiatürik,

Araotz herria gainti,

Abadiñon, Elorrion,

Egiten deizüe batzarri.

 

         Kattalin

Ataunen eta Lazkaon,

Jentea da kantan jarten;

Zeinützüliaren dangaz

Boztario erakusten.

 

Beasainera heltzen zira,

Jenülea da haidürü.

Gaihaje egiten deizüe

Aranatzez zinka, oihü.

 

         Santa Kruz

Amorebieta güdükan

Zer egin züen aitzindariek?

Auziala nik bezala,

Agertü behar düe denek.

 

Lizarraga, Dorregaraik

Utzi nündüen nihaur Aian.

Epaitürik izan bite

Horik ere güdülauzian.

 

(Oro joan; Satanak).

 

Santa Kruz
Junes Casenave

1992