ASKATASUNAREN LAGINA

 

Egongelako petuniak ez nituen ureztatu

haien sustraiak etxe horretan errotu ez zitezen,

zure atorrak lixatzen pasatzen nituen goizak

zure bihotzaren zurruntasuna herrian nabarmendu zedin

eta etxea garbi-garbi mantentzen nuen zu etortzerako

zure agindu higuingarri eta zikinekin deseroso senti zintezen.

Eta gehiago ezin nuenean etxeko leiho guztiak zabaltzen nituen

etxea aireztatzeko aitzakian,

horixe nuelako askatasunaren lagin bakarra

Pio XIIko zelda garesti hartan.