Dena ez ote den, finean, ezereza;

ezereza ez ote datorren denean; dena ez ote den,
den guzti-guztia, ezereza barne.

Tere Irastortza

 

 

EZEREZA

 

Ezereza mugagabea eta adieraezina bada,

zertarako definizio zientifiko bakar batera mugatu.

Ezereza hutsa bada,

zertarako irudi bakar batean irudikatu.

Ezereza ikusezina bada,

erraidazu

bere adiera, mugak, forma eta espazioa

zergatik soma ditzakedan

gaur mingarri, bihar lasaigarri,

bihar mingarri, gaur lasaigarri.