Nere herriko gizon bat

Elizara gutxitan,

jan egunero,

mozkortu astean hiru aldiz.

Ez du begi alperrik

eta burua beti tente.

Nehoiz ez dut

jarrita ikusi,

beti zutik,

ez ahal da akitzen?

Gaur ikusitakoa, atzo bazakien.

Norbait herrian

hiltzen bada,

beti pentsatzen du,

hori jautsi da eta gu txintxilik.

Ezkerti jaiotzez,

bola tokian nagusi.

Gezurrak esaten ditu, monjak ‘jesus’ bezala.

Mundu osoan ibilia

herritik mugitu gabe.

Ahoan

   beti

      hitz

         bat

ni alkate banintzake...