Banintz

Argia banintz,

zure itzala

egingo nuke gai,

milurtekoa, Biblian

diren hitzak bezala.

Halabehar banintz,

traizionatuko nuke

nere izaera,

eta kukutuko zintuzket

sekulatasunean

heriotzak aurkitu ez zaitzan.

Hutsarte banintz,

nahiko zintuzket keinu

nere infinituan.

Denbora banintza,

zure klepsidraren tantak

berunezkoak izango lirateke.

Ni egia banintz,

hola izango litzateke,

besterik gabe.