BEDERATZIGARREN JOLASA

ANTONIO: Esan zadazu: zer da anilla?

BASILIO: Iñastorra dirudien landare bati kentzen zaion auts bat.

ANTONIO: Eta algodoia, kina, kanela eta klabilloa nondik datoz?

BASILIO: Indietatik datoz. Algodoia arbol txiki baten koskoan arkitzen da gaztaña morkotzean bezala: kina arbola baten azala da: kanela orobat, eta klabilloa beste arbola baten frutua. Azukrea da kañabera mota bati txikitu egosi eta kentzen zaion ezadea. Gauza oiek guztiak toki beroetan etortzen dira.

ANTONIO: Zori onekoak bear dute izan orrelako tokiak.

BASILIO: Badira tokiak beti udaberrian bizi diranak. Onelako tokietan ikusten dira arbola batean eta denbora berean lorea, fruta berdea eta eldua. Berenez etortzen dira naranjak, limoiak eta beste fruta batzuek.

ANTONIO: Zori onekoak alako tokietan bizi diranak! Bizi ditezke ezeren kuidadorik gabe.

BASILIO: Bizkitartean an ere lan eginda bizi da jendea. Jan utsarekin ezin bizi gindezke.

ANTONIO: Zergatik ez? Otzik eta bero aundirik egiten ez badu beintzat.

BASILIO: Gizon basatiak ala bizi dira. Jakin beazu jantziaren faltan txerrien gisa jira biraka loiean ibiltzen dirala asko tokitan. Eltxo pozoidunak eta beste arbiska pozoitsu askok zulatzen dituztelako egiten dute au.