BOSGARREN JOLASA

BASILIO: Gauzarik txikienetan ikusten da ongiena Jainkoaren anditasuna. Badakizu noski zer dan zigarra. Askotan sortzen zaie aurrai beatz artean.

ANTONIO: Baitaere negar gogotik eragiten gaxoai.

BASILIO: Beren amak atera oi diote eguzkitan orratz musuarekin.

ANTONIO: Ikuste ona bear da eguzkitan ateratzeko ere.

BASILIO: Bada, dan bezin txikia izanik, baditu zigarrak gorputzaren parte guztiak. Baditu ortzak edo ortzen ordekoak, aurrai negar eragiten dien ezkero: baditu urdalla, estea, sabela, biotza, birikak: bear ditu ere izan gibela, barea eta giltzurriñak Aren odolak bear du ibilli gureak bezala gorputz guztitik.

ANTONIO: Ez dirudi bada odolik duenik.

BASILIO: Odola txuria duelako beste asko abertxok bezela.

ANTONIO: Ongi diozu gauzarik txikienetan dala andiena Jaungoikoa.

BASILIO: Badira aberetxoak zigarra baño ere oraindik txikiagoak.