AMA GAXOA NEGARREZ...

        Erraldoi zakar

        itxusi batek

aizkoraz jo du aritza,

        ta bertan zeuden

        txoriak orain

izu ta larri dabiltza.

        Zastaka beti

        gogor daraso

ebaki nayaz lenbailen;

        bildur naiz gure

        zuaitz ederra

ezpal biyurtu liteken.

        Aritz-pe ortan

        Amagoi ona

itunki dago..., negarrez,

        ain bakar uzten

        baldin badegu

ilko da gaxoa miñez.

        Arren! utzi ba

        zabarkeriak,

eldu laister beregana,

        gure laguntzaz

        alaitu bedi

Amatxo maite laztana!