MENDI-ZALE

Usamendiko arizti zarra:

Kezkaren osin beltzetik

urundu nayaz ixil ontara

eldu naiz gaxo..., bakarrik!

Amagabeko bizitz illuna

luzaro jasan eziñik

beste Amaren billa negarrez

aldegin det an beetik.

Negarrez nator zure kolkora,

negarrez jayotz-erritik,

iñoiz entzuten ez dalako an

jardun arrotza besterik.

Mendi maitea: ez naiz beñere

irtengo zure basotik!