AMETS URDIÑA

Euskal-erritik urruti nago,

bañan gogoz ni beti an...

an nabil pozik egunez eta

gaberoko lotaldian.

Argitasuna zetorren garaiz

egun-txintakin batian

o, zeñen amets zoragarriya

egin detan gaur goizian!

Itzez nork esan, nork amets ori

piztu lerro soill tartian?

Ez..., ez; oparo, sortu dan eraz,

bego nere biotzian!

Amets maitea, amets urdiña,

ostera gaurko zorian

atoz... atozkit betiko loaz

nere begiyak ixtian!