ARALAR

Aralar, Aralar, otoi-mendi...!

Kementsu ta betigarai

gizandi jator baten antzera

goi-goyen zakust aberzai.

Oztin-aldean zure tontorra

biziro gallen dagerzu,

aldiz-aldizko lañu-mordoa

beste lokirik ez dezu.

Intzitxao'ko basoari muñ

ematen diot urtero;

bai bear ere gure lengoen

illobizai dan ezkero.

Aitor'en oyu zoli bat bezin

biotz esnale zu beti

ernai ta sendo gorenen zaude...

Otoi-mendi, otoi-mendi!...