MAITIÑE

Gorenengo basoan

Lilien aizpa zeran Maitiñe,

pipill kutuna!: mendigañean

guk ainbait atsegin-ezti

maitatzaleak bakar-bakarrik

izan lezeke... Zorionean

gaur biyok emengo aldi!

Jai oberik zer...? Oyanak bere

itzal oxkarra ematen digu;

liliak usai-opari

xamur, eztitsu, legun-leguna.

Gañera berriz, au da zoruna!

txit bertan orain uso bi

urruka daude, ta urrunga baño

askoz obe ta gelgarrigo dan

zure mintzo eder ori

entzunaz, ene maite gozoa,

nere burua zugan etzanda

amets-egille bat naiz ni...!