BASATXONUA

Arkaitz jagi-gane, mendiko tontorran,

odeyen artian, berago lañua,

urrundik paguso zurijaren antzez

        da basatxonua.

Gabez illazkijak ta ixarrak burestun

ederra dautsoe; argiz arranuak;

gautegun goi-goyan, ortzian egazka

        da basatxonua.

Bertotik Jauna-ri otoya igoten da,

berton gurtzen dabe jauna gixoztiak,

berton obendijen bijotz ustelkorrak

        garbai-damu dira.

berton jazo dira alatz andijenak

bertontxe dongiak eurrez ondu dira,

bertotik goraño gotzonak daruez

        bijotz onetsijak.