OBENAREN NEKIA

Ogasun-billa aberrija

itxi dokan euzkotar:

urrun ire gurarija

lortu-barik, mingarrija

ixango dok bixitza.

Azan zoro ta erua

ulertuko dokanan,

jayoterriko itxasua,

lurra ta aberri gaxua

gomutalduko dozak.

Ire guraso mattiak,

ogijarren itxitta,

gomutan iraungo yazak

ta mingotz eure begijok

malkoz beteko dozak.

Gertuko az bigurtzeko

lasterren aberrira,

len lez zoruntsu ixateko.

Oi, gurako dokaneko

ixango dok eziña!