Eskuaren fereka
Iņaki Zabaleta

Hordago, 1982

 

 

EKAINEKO HOSTOEKIN

 

Ekaineko hostoekin zintudan maitatu:

bai haizeren epela zekarten hostoek!

Erreka guztietako urak kristal

bihurtuko nituzke

zure irudia landu ahal izateko

eta bi izar artetan... hegan

utziko nuke

eguzkiak ur ez dezan.

 

Ekaineko uretan, zure begien maldatik

barrurantz datozenetan zintudan maitatu:

bai haizeren epela galdu zuen

neguak, negarraren hostoetan!

Heziko nituzke harriak

gorriz pintatuko etxe txikienak

ilargi orotako argiak ilunduko

ahal bazintut uki

eztiki

ekain hartan maitatu zintudan bezala.

 

Bai haizeren epela zekarten hostoek

neguak galdu zituen uretan!

 

Eskuaren fereka
Iņaki Zabaleta

Hordago, 1982