BIZITZAKO GELTOKIAN

 

Ziztuka da trena, abiatzeko prest

bizitzako geltokian,

eta ni neonargizko hirira

eramanen nau:

amets berritara.

 

Ez-lasai egotez bukatuko da

hiri sakon, zabalean.

Libreki

plazerraren ardontzitik

edanen dut

neoiaren dantzan.

 

Zeru koadratu bat ekarri

baitzidaten ezpainetara,

bizitza sakrifizio

zela zidaten esan.

 

Orain, libreki,

plazerraren ardontzitik

edanen dut

neoiaren dantzan.