GAUTIAR POETA

 

Ai, gautiar poeta!

Begi tristeenetan

sortzen zaizkizu

ilargi eztienetan

hegatzen zaizkizu

bertso amorosenak

         mingotsenak.

 

Amil dadin ilargia sentikortasun ezara!

Itsu daitezen tristuraren begiak!

 

Ai, gautiar poeta!

Ahantz zein den zerurako

bide herstua, bakarra!

Plazerraren lakuetan

ez duzu errepiderik urratuko.

Zertarako behar!

Aurreko uretan itoko

zaizkizu atzekoak.

 

Garratza da zure bertsoa, zoriongabea.

Eta bost axola zaio gauari, jendeari!

Gautiar poeta, eroa.