1978/Azaroak/24/Ostirala/

Juan Ramon Martinez eta Tomas

Muro, EGINgo lankideak,

hil egin zineten.

 

 

Paperezko kanpaiak egin

ditugu zeuen omenez,

goizaldera ezkilamihi

bihurtuko zaizkigu errotatiban

zeuen izenak; juan ramon eta tomas.

 

Iruñerriko lur kolore

juan ramonen kopetako beltzarre

«hotzezko zubiz iragan da

hauts izaterantz»

euskal herriko prentsa bideetan.

 

Lana langileen balio

zela, hitzari zenion

aitortu egunez egun, tomas.

Zilarrezko egunsentirik ikusteke

heriotzarekin ordaindu behar

euskal herrian.

 

Paperezko kanpaiak egin

ditugu zeuen omenez,

goizaldera esperantzamihi

bihurtuko zaizkigu bizia,

gure herria, komunikabidea... eta zeuen izenak jole.