HIRE LOTURAK, LAGUN

 

— Ezina

ezina duk soinean, barnean

ezin jasan, gainditu

gizarte ustelak

erantsi dizkiken loturak.

Baina halaz ere

etsirik har gabe

mugi, bira

heure bizkar hezurraren inguruan

inguruan, inguruan.

 

Nekatu haiz.

Atseden hadi

ez arnasbehar gehiegi

beste kolperako indarrak jaso

                                   bildu.

 

— Baina ezin diat...

Lotua negok!

Loturik eskumutur eta anka.

Hau nire bizia, biziaren gogorra...

Ezinez eta minez ari nauk lehertzen

ari, ari

sekulan bukatuko ez den borrokari

                                        ari, ari

                           zuloa egiten ari

                                          jarrai.

 

— Hara! Lokarri bat hautsi duk azken kolpean

                                    hirau, hirau horretan

usu helduko duk bestearen haustura.

Lasai lagun

gizona, Euskal Herria

hire giza barren borrokaren

zain, zeletan zeudek.

Hiregan diagu esperantza.