ZURE ERLAUNTZA

 

Maitea

bildu dut gaur

zure erlauntzan

eztia.

 

Nahiaren ezkoz

eraiki zenuen bizia,

zeure erlauntza,

baina hoztu zen ezkoa

eta hegadarako hertzirik atea

maitea,

nire ezpainetan

jaso dut gaur

eztia zurea.

 

Hegal gabeko erle zinen

eta ez nuen ikasi lumarik ehotzen

maitea, zuretzat.

 

Nire begietan urdin itsas bi

amodiotsu, nizun eskeini

maitea

eta erlauntzan zu

eztitsu

arrotzari hertsia.

 

Hitz laburrez

begirada epelez

hego bat egin nuen

maitea, zuretzat.

 

Arnasaz gaur

urtu dut ezkoa.

Neke ta fereka

hegadan ez zekien hegal

eta itsas urdin bi

nire emaitza

maitea, zuretzat.