Ixtorio-misterio andana bat
Jose Maria Larrea

Pamiela, 1988

 

 

 

IV

EDALARIAK

 

Arabako herri bateko ardandegira joaten omen ziren bi sorgin hango ardo goxoa edatera, gauero.

 

      Atearen giltza-zulotik sartzen omen ziren xinaurri bihurturik.

 

      Behin han barruan ardoa edaten ari zirela batak besteari esan omen zion:

      —“Jexux, hau ardo-edatea egin dodana”.

 

      “Jexux” esan zuelako bere tankera hartu eta han gelditu omen zen, giltza-zulotik atera ezinik, larrugorritan.

 

      Hurrengo egunean ardandegiko gizonak han bilatu omen zuen. Jantzia ekarri omen zion eta beragandik jakin ere bai inguruko bi emakume zirela hola aritzen zirenak.

 

Ixtorio-misterio andana bat
Jose Maria Larrea

Pamiela, 1988