OLTZAKO EGUNSENTIAN

 

«Lili Marlene» doinuaz kantatzeko.

 

Goiko harkaitz haietan

egunsentian,

lehen iguzkiarekin

argi izutian,

ene bihotzaren barnean

zaitut, maite, esnatzean

zutaz oroitzean.

 

Eskuak eskutan

biok batera,

Oltza zelaietan

iturri aldera;

ene belardien artean

zaitut, maite, ametsean,

eguzki lorean.

 

Burgalaitz aldetik

Pin Pil gainera

pago eta horbela

genuen begira.

Ene begi urdinen ninia

zaitut, maite, hain eztia,

basoen irria.

 

Haizeak dakarkit

zure irudia,

haien hegaletan

zuganako antsia;

ene geroaren haria

zaitut, maite, ikusia

amets beldurtia.