Beldur naiz
Patxi Ezkiaga

Euskaltzaindia / BBK, 1985

 

 

MENDIKO JAINKOA

 

Nire neurriko egin nahi zintuzket,

mugatua, buztin eta suzko

metroerdiko jainkotxo

maneiagarria.

Oi, zu, mendiaren Mendi!

nire errai kixkalien

sakonera freskoa;

disko ta kassettetan

sartu ezinezko

euri setatsuaren

musika ixil, ferekakorra,

trumoi ozenaren

oihartzun eta oihua.

Oi zu, Haitzpeleko Jainkoa!

 

Beldur naiz
Patxi Ezkiaga

Euskaltzaindia / BBK, 1985