ERROIZPEKO PAGO BATI

 

Udaberriko haizeak laztandu,

udako ilargiak kulunkatu,

udazkeneko euri lodiak besarkatu,

neguko ekaitzaren malkoak xukatu

zintuen, zintuen, zintuen...

 

Zuri, hainbat mendetako

nire Herriko iragan izutiaren

getari,

zuri, gure geroaren, gero iheskorraren

zelatari,

zuri, pago, nire bihotzeko askatasun haize

burundiak, uda, udazken, negu eta

udaberri,

zuri, nire Herriaren euri, arnas, pauso

eta malkoak...

maitari.