ERROSARIJO SANTUBAREN GAÑIAN

        Ara emen zorijoneko oneraspen kristandade guztijan zabaldurik daguana. Daukaz amabost ezkutapen edo misterijo, euretan gogo ta biotza egon ditian, errezetan dogun artian. Bada, jakin egizu, miin utsagaz egiten diran errezubak, dirala berba alperrak, zeintzubekin ez dan ezer irabazten, galdu baño. Eta, O, Zenbat errezu alper ta gatz bagako egiten dan gure artian! Ez egizu zuk alan egin, ta bai biotzagaz batera, ta dagozan parkamen edo induljenzijak irabazteko gurari bizi bategaz.

EZKUTAPEN EDO MISTERIJO GOZATSUBAK
ASTELEN TA EGUBENERAKO

I. JESUS GIZON EGIN ZANEKUA

        Ze poz ze atsegiña

        Zure biotzian

        Maria artu zenduban

        Jesus sortutian.

        Aita geuria, etc.

II. MARIJA, ISABEL IKUSTERA, JUAN ZANEKUA

        Jaunaren ama zara

        Dirautsa Isabelek

        Poza autortuten dau

        Saltoka Juanek.

        Aita geuria, etc.

III. JAIJO ZANEKUA

        Ama, zure biotza

        Jesus ikusirik,

        Zelan gelditu izan zan

        Pozez ill bagarik?

        Aita geuria, etc.

IV. AMA DONZELLIA ELEIXAN SARTU ZANEKUA

        Emen Simeon zarrak

        Jesus laztandurik

        Pozezko malkuakaz

        Zaukaz gozaturik.

        Aita geuria, etc.

V. JESUS TENPLUBAN AURKITU EBANEKUA

        Nun zan zuk ez jakinik

        Tenpluban zeunkana:

        Aurkitutako poza

        Zabaldu gugana.

        Aita geuria, etc.

ESKUTAPEN SAMIN EDO DOLOREZKUAK
MARTITZEN TA BARIJAKURAKO

I. ORTU SANTUKO ERREGUBARENA

        Odolez izerturik

        Jesus auzpaztuba.

        Zelan aurkituko zan

        Ama saminduba?

        Aita geuria, etc.

II. JESUSEEN AZOTEENA

        Jesusen gorputzeko

        Azote gogorrak

        Ikaratzen ditubez

        Amaren azurrak.

        Aita geuria, etc.

III. ARANTZAZKO ARO EDO KOROIARENA

        Garunak igarota

        Arantza gogorrez

        Jesus, ta Ama begira

        Urturik negarrez.

        Aita geuria, etc.

IV. KURUTZIA ERUATIARENA

        Gurutzia lepuan,

        Jesus ortozturik,

        Amak beti darraiko

        Ezin aldendurik.

        Aita geuria, etc.

V. KURUTZIAN JOSTIARENA

        Josirik ikusita

        Jesus Kurutzian

        Zer jazo zan Maria

        Zure biotzian?

        Aita geuria, etc.

ESKUTAPEN ATSEGINSUBAK
DOMEKA, EGUBAZTEN, TA ZAPATURAKO

I. JESUSEN BIZTUERA BARRIJARENA

        Irugarren eguna

        Jesus biztu zana

        Illaren amarentzat

        Au bai atsegiña.

        Aita geuria, etc.

II. JESUSEN ZERURA IGOERIARENA

        Jesus Zerura dua

        Maria laztana,

        Zure poz atsegiña

        Zabaldu gugana.

        Aita geuria, etc.

III. ESPIRITU SANTUBAREN ETORRERIARENA

        Poz ta atsegin barrijak

        Zuretzat Marija

        Espiritu Santuba

        Dalako etorrija.

        Aita geuria, etc.

IV. MARIAREN ZERURA JASOERIARENA

        Aingeruben artian

        O, ze atsegiña!

        Zerura jaso dabe

        Betiko Erregiña.

        Aita geuria, etc.

V. MARIARI ARO EDO KOROlA IMINTIARENA

        Eder inguraturik

        Amaren buruba,

        Geuri deiez daukagu,

        Ester apainduba.

        Aita geuria, etc.