Berderoya

Ardurez bete yogaten dau

Berderoyak kabia,

Oi! yagako banau neurea

Txori onen antze'ra.

Mutiko txikerra nintzela

Txorikumez betea,

Pozez zoratu arkitu neban

Txori onen kabia.

Lenengo aldiz nekusan, neuk

Arkituko kabian

Txorikume yantzi yantziak

Egarako aroan.

Bota neutson esku bateri

Egazka asi zanari,

Ni noz ats emongo berari

Bera bigun guren ni.

Nire txorikume gaxoa

Txori amea izan zan,

Eta nok azaldu daikea

Zenbat mintsu zebillan?

Erdi egaz, erdi narraska

Bere pii itunean,

An zebillen errukigarri

Neure aldamenean.

Eta itxirik txorikumeak

Amearen ondoan,

Ama-maitasunez oldozka

Etxera itzuli nintzan.

                        Ondarribi, 1924