Euskera

Burua bean, ankak goyan

Nork yarri daitu euskoak

Ibilteko euskera barik

Orren lotsa gutxikoak.

Erri guztietan darabilte,

Euskera oinperatua,

Ez negarrik, Ama gaxua

Emen daukazu semea.

Egaz iñoz, nekauten ez dan

Egalaria banintza,

Erririk erri yoateko

Ama euskeran aldezka.

Esateko euskaldunari

Sua dario didarka,

Ama euskeraz daukazue

Esker txar eta baltza.

Zergatik zabiltze orrelan

Gizon anker eta ergelak

Irainduaz ama euskera

Iraintzen zeuen buruak?

Euskera barik euskalduna

Pipiak jo daun enborra

Ez lorarik ez igalirik

Iñoz emongo ez duana.

                        Ondarribi, 1925