Axek bildurra

Sua! sua! oyu samiña

Entzun neban gauberdian

Neure gelako leyo aurrez

Etxea egoan sutan,

Auzo guztiak batu ziran

Oi legeztxe zalapartan

Gizatza arren, kea dario

Etxeak ziraun garretan.

Ura, ura, arin oyu zegien

An buruz lan zegienak,

Baño bertan eskuak utsik

Dagoz ikusle guztiak,

Lurpetuk egozan agian

Gau atan pertza guztiak,

Bada alerik agertzen etzan

Aztertuarren bazterrak.

Su ta gar egon etxea

Ego aidera banaukan,

Obitegia ipar aidera

Urren neukala nengoan,

Eta burutasun izukoi

Etorri yatan orduan

Pertza billa obitegira

Bakarrik yon nintzanean.

Deus ez ta ikara gizonentzat

Lotsagarria omen da,

Baña doyoa gauberdian

Bildurge obitegira,

Ta ikusiko dezu zelango dan

Buruko ulen tentera,

Zelango dan aultasunean

Belaunetan dardarea.

Atsalde atan ieltseruk

Ikusi nausan lankari

Obitegia berriztatzen

Zelan zebiltzan urduri,

Ta antxek egongo dira pertzak

Bururatu yatan niri

Ta beste barik tanka tanka

Obitegira noya ni.

Illun egon, langillen pertzak

Etziren iñon agiri,

Uste bank obi-arrian

Nere oiña neban yarri,

Ta obi ganeko arria

Lasayegi egon noski

Ta egin eban bulunbadaz

Biurtu nenduan arri.

Ill-azurrez narrazkadea

Egin eban arratoyak,

Ekarteko bildurtuari

Bildurrezko ugaldeak,

Obi-arriak bulunbadaz

Narrazkadaz arratoyak

Jarri eustezan ill-guztiak

Aurrean izugarriak.

                        Ondarribi, 1924