Neure yayoterria

Maruriko erritxuak,

Izanarren txikerra,

Ikuskai ederrak daukoz

Asetseko begia.

Ango mats ta malukiak

Dira goxo goxoak,

Ango zelayak ederrak

Lilik urrinkaitsuak.

Eztarritik bera doya

Arin urdail barrena,

Batek nai baño lenago

Bertako txakoliña.

Ango elizpen egonak

Arako dauko seta

Ibar eder ta zabalak

Egin dotso lilura.

Gordetako itsaz-axetik

Mendia iparraldera

Eliza erpintxo baten

Egoaldera ibarra.

Etxe guztiak banaka

Ortuz ingerutuak

Eta ugari ortuetan

Yanaririk onenak.

Eta ain zinistetsuak

Bertako biztanleak,

Jaungoikoa otseinduaz

Pozik bizi direnak.

Gizaguren jayoterri

Pozarren diñot dala,

Larrazabal eta Azkorra

Bikaiñenak direla.

Olakoxe neure erria

Zinez maitegarria,

Benetan dodala maite

Neure yayoterria.

                        Ondarribi, 1925