ZURI NAGO

Bihotzari auhen maiz doakio,

Orotarik dudak jiten zaizkio,

Orduan zuri so jabalduz dio:

        Nere ama, zuri nago.

Jaunari jarraiki nahi nitzaio;

Bihotza ere gaur hurbiltzen zaio:

Plazerrari berritz laster darraio...

        Nere ama, zuri nago.

Amodioz zainak hustu baitzaizko,

Joan nahi nitzaio joan belauniko;

Bainan... ez diota eginen uko?

        Nere ama, zuri nago.

Jaunaren begia hain baita gozo

Nere bihotzari begira bezo:

Errozu ba nola nitzaion mintzo,

        Nere ama, zuri nago.

Bai, Ama, zinez dut saindutu gogo.

Bakarrik neholaz ez dut iraungo;

Zurekin beldurrik ez dut geiago;

        Nere ama, zuri nago

Baionan: 31-10-28