BAZTERRAK LO

Haitzpe goxo batean lasaiki jarria

Bazterreri so nago, gogoa bertsutan.

Hor ditut Urrañako pentzeak, herria

Eder eta erdi lo uda sapa huntan.

Belarraren usainak hartzen daut gogoa

Eta sendiarazten bazterren ederra:

Zeru zola, sorroak, Larrungo kaxkoa.

Guziak zabal, azkar, baketsu lo dira.

Iduzkia pisu da; bero da gaur, bero:

Mendiari dario izerdi urdin bat...

Belar idorren sartzen etxekoak oro

Ari dire ixilik bil-ahal bezenbat.

Urruña, azkar, zabal, baketsu lo zira.

Han egoitzeri gora daukazu Eliza,

Lo senditzen baititut karraren pilpira

                Eta Esperantza.

Kexilo aldetik: 5-7-40