ITZAL BAT

Orizune mendiko arkaitz gorrietan

Zeru zolatik hurbil, zer egun goxoak

Iragan ditudanak kantuz, ametsetan...

Garazi gainetako deskantsu osoak

Zeruko bake hartaz ninduen betetzen,

Jabalduz nere gogo ta bihotz gaixoak.

Bozkarioz beterik atzo jautsi nintzen

Hire ikustekotan, Lapurdi urdina...

Zer ote hu gaur hola nahasten, iluntzen?

Itzal bat hurbildu zaik lotsatzen hauena:

Zainak, bihotzak husten dituen itzala.

Ni joan gabe irria, gaur aldiz auhena.

«Egun ez bada bihar, gerla dugu gerla!»

29-8-39

Eihalarretik itzuli-eta