URRIKIA

Oi, Jauna, noren esku goxoak

                daut niri sorbalda unki?

Arrunt etsituz nindoalarik

                nork erran daut hain goxoki:

«Ez etsi, haurra, otoitz egizu:

                Jaunak barkatzen badaki.»

Zerutikako dei ezti horrek

                indarrak berritu nauzki.

Zure bihotza ideki duzu

                kar hortaz nadin balia,

Odolez hustu zare enetzat

                zerura nadin lehia,

Eta nik, Jauna, ukatu zaitut

                eginez nere nahia.

Betiko sua merezi nuen:

                eman dautazu bizia.

Berriz lehengo biderat noa,

                Jauna otoiztu orduko:

Iduzkiari zenbait hedoiño,

                oraino gelditzen zaizko.

Bai, joan nahi dut zeru alderat,

                joan nahi dut belauniko:

Jaunak bezala pairatuz ditut

                azken lanoak kenduko

Baionan

9-10-38