DONIBANE

                        Donibane,

Itsas-ondoko gain ixiletan jarri naiz zuri begira:

Hor zaude beti Larrungo pean zabal dohatsu ta erne,

Zuri behatuz ene begiak laster lanotu baitira.

Uda guziez hunat heldu naiz luze nigarrez aitzeko.

Maite baitzitut nahi zintuzket suhar, nagusi, Euskaldun:

Eta banoki, atsegin gose, arrotz ausarten biltzeko,

Aiten legeak beti geiago zoin aise uzten ditutzun!

Beha! Lurrari uhain zabalak azkar oldartzen zaizkio.

Beha! orroaz tirain zaluak barnean sartu nahiak.

Euskal-Herriak, oso egonik, zure lurrari zor dio.

Zure arkaitzak ez bitza gurit arrotz lazoen lohiak.

Santa Barbarako gainean: 4-7-40