GAINEZ GAIN...

Elgarrekin gainez gain ardura gabiltza

Gure pean ikusiz Haltsuko zelaia

Aldi oroz baitzauku arintzen bihotza.

Zer xoraldi gozoak, gain hoitan, anaia!

Kantari goazilarik bidexkaz bidexka

Patarraren buruan hantxet dugu haitza

Zahar ta xut egoki lanoer kilika,

Pean dabilkiola iratzeen dantza.

Gain baterat orduko, izerditan, irus;

Zerupea urruno, bazterrak zabalo!...

Ez baitetzazkegu-ta nehoiz aski ikus

Haitzpean jarri-eta bagaude erdi lo.

Osto ferden artetik sumatzen ditugu

Lanoak andanaka bahatxe ibilki,

Zer-nahi gogoeta jiten baitzauzkigu

Bai eta zeruz zeru lanoekin joaki.