ASTEARTEA

 

Larrez larre

itzalez itzal

ba hoa

eta piskana piskana

erretzen ari zaik bizitza zahartzean

argizaria galdak erretzen diken antzera

ez duk besteen keiorik

betiko artzain horrek

handi egarria

mutikotako ametsetan itto ziaten

biziera egina emateaz

aitaren seme semeen aita

gurasoak zaindu eta umeak hazi

baserritar artzain patxadako gizona

etxeari eustea egiteko bakar dukena

auzoekin lasai ilunabar epeletan

egon izan haizena

aitak erakutsitako ipuin eta fedeak

semeari eman dizkiokena

sinismen hutsunerik gabekoaren jabe

nahimen bizkorrago baten morroi...

mendez mende!.