Urgun doa

ez zaiozula farrik egin

Euskal herriko seme

euskeraz ez dakienari

ez diozu farrez

hutsunerik beteko!

 

Adarra jo

baina inoiz ez lanik agertu

eguerdian kantari

ari den oilarra bezela

erneak ernaratzen

alferrik ari zara.

 

Behi antzua

emaitzik ez duen zuhaitza

geldirik den erlejua

inguruko gauzak hobetzen

saiatzen ez zaren

euskaldun antzu alferra.

 

Ispiluan

inoiz ikusiko bazina

farrez zeure buruari

ekin beharko zenioke

eta ekinen zenuke

baina ez zara ausartzen

ez zara ausartzen...

zeurekiko farragarrikeriak

ikaratzen zaitu ta!